ACCORDION H2020 é un proxecto de computación na nube e de edge computing que busca xuntar esforzos no campo das novas tecnoloxías para crear unha rede simbiótica que permita afrontar os futuros requisitos da sociedade no ámbito da computación a grande escala.

O maior desafío europeo no campo da computación a grande escala é a posible distancia das súas piscinas de computación, o que implica que calquera colaboración se enfronta a unha considerable latencia que dificulta a viabilidade dunha relación simbiótica. No marco deste Proxecto desenvolverase unha plataforma europea de Edge Computing;

Desde Plexus Tech temos como obxectivo desenvolver unha plataforma de análise na que os datos de localización dos visitantes se administren localmente sen ter que envialos á nube, co obxectivo dunha toma de decisións máis rápida. Como responsables do caso de uso “Solucións de xeolocalización intelixente”, promovemos a evolución dos nosos produtos TRAQUS e ANBLICK sobre a plataforma de Edge Computing.

O proxecto aglutina un total de doce entidades (empresas, universidades e centros de investigación) de Alemaña, Polonia, Grecia, Finlandia, Italia e España. A clave do proxecto pasa, polo tanto, pola coordinación dos diversos actores, xa sexan actores e infraestruturas locais como comúns ao continente.

O proxecto europeo CHARITY aspira a canalizar os beneficios da computación na nube, o edge mcomputing, realidade virtual/aumentada. Esta combinación de tecnoloxías de baixa e alta latencia permite desenvolver novas experiencias, produtos e servizos altamente interactivos e colaborativos.

CHARITY propón unha innovadora arquitectura na nube que, combinada con solucións Edge, busca superar as limitacións técnicas existentes actualmente en tecnoloxías como a realidade virtual, a realidade aumentada e a holografía. Desta forma, poderase avanzar en asistentes virtuais e holográficos para o seu uso en reunións, na formación médica e na educación, así como en xogos colaborativos, simulación aeronáutica e telepresenza holográfica, entre outros escenarios.

En concreto, Plexus Tech céntrase en optimizar o rendemento dos datos e en diminuír a latencia para mellorar a incorporación desas tecnoloxías aos casos de uso propostos.

Así mesmo, lidera a comunicación e diseminación do proxecto para difundir os resultados deste e facilitar a súa futura comercialización.

O equipo de Plexus Tech lidera as áreas de arquitectura e integración do proxecto, desenvolvendo o sistema necesario para o correcto funcionamento en ámbitos como asistentes dixitais para turismo e sanidade, telepresenza holográfica, sistemas de formación AR/VR, etc.

Obxectivos do proxecto CHARITY

• Conseguir a autonomía de recursos de redes, computación e almacenamento para futuras aplicacións tecnolóxicas deste tipo no ámbito europeo.
  
• Promover a creación de servizos e aplicacións cun carácter colaborativo entre os distintos proxectos.
  
• Crear un ecosistema tecnolóxico europeo que beneficie a sociedade no seu conxunto e permita competir no estranxeiro.
  

Baseándose nos requirimentos do usuario, as aplicacións destas tecnoloxías foron deseñadas para realizar os maiores retos da realidade virtual e aumentada. Isto validará a tecnoloxía para multitude de variantes e permite demostrar as innovacións tecnolóxicas presentes no proxecto CHARITY.

Algúns exemplos son concertos en realidade virtual ou holográficos, reunións empresariais holográficas, adestramento do persoal sanitario na realidade virtual ou visitas guiadas en realidade virtual a diversos lugares de interese.